İspaniya çempionatında 10-cu turdan təxirə salınan oyunda “Barselona” ilə “Real” “Nou Kamp”da qolsuz heç-heçəyə razılaşıb.
Sonuncu dəfə bu komandalar arasında 2011-ci ildə İspaniya Kubokunun finalında hesab açılmamışdı. Həmin matçda “Real” əlavə vaxtda qalib gəlmişdi. “Nou Kamp”da isə sonuncu dəfə 2002-ci ildə komandalar fərqlənə bilməmişdi.
Bu heç-heçə sayəsində komandalar 16 turdan sonra 36 xalla zirvəni bölüşdürür. 3-cü yerdə qərarlaşan “Sevilya” 31 xal toplayıb.